Diarason mainta a keda presenta oficialmente e grupo y departamentonan cu ta pertenece na e afpakteam. Nan ta atende cu labamento di placa y droga na Aruba. Procurador di Aruba, Alexander van Dam a splica cu awe nan tabata na bestuurskantoor pa asina firma un acuerdo pa loke ta e afpakteam, hunto cu minister Dowers, di husticia y minister Bermudes di Finansas. E plan di afpak ta un compromiso pa Aruba pa asina bin cu un afpak team, cual a sosode awe, 1 di Maart y tambe e stakeholdernan lo pone nan firma. E acuerdo ta un cooperacion entre e partidonan. Ministerio Publico ta maneha e team di opsporing. Nan lo dedica nan mes como team, pa trata casonan. E Arubiano averahe sa cu hende ta gana placa, door di no tene nan mes na ley. Nan ta tene nan mes ocupa den evadi belasting, cu droga, cu kico cu ta y e casonan ey lo bay pak nan aan. Kier mustra na comunidad cu esaki no por y e partidonan cu ta liga ta Belastingdienst cu refuerso cu ta bin for di Hulanda. Ta un organisacion grandi cu riba 1600 persona, caminda cu ta haya experticio di dje, Cuerpo Policial, RST, Douane, Kustwacht cu steunpunt na Aruba, Ministerio Publico naturalmente, cu ta uni den un solo iniciativa aki na Aruba.
Procurador van Dam a sigui splica cu e personal ta local. Ta Arubianonan cu kier traha den e team aki. Ta autoridad na Aruba. Ta partidonan local, pasobra e ta relativa nobo pa puntra for di veld na Hulanda pa pone disponibel experticio. Pesey mes e Procurador ta contento cu e director di veld a pone su firma riba e convenio. Ta partidonan local cu hendenan local cu ta den e team aki. Ta hendenan cu tin hopi gana pa duna nan granito de arena den e team aki pa asina soluciona casonan criminal.