Na Airport tambe tin basta dolor di cabes pa loke ta e espacio pa aduana por haci su trabou manera mester segun Eduard Maduro. El a splica cu a forma un comision cu yama Huisvestingscommissie unda mester a trata puntonan di atencion pa loke ta localidad di douane y tambe nieuw gebouw. Tambe e situacion na aeropuerto. A bin di compronde cu for di aña pasa, tabata tin reunionnan andando, cu cambionan proponi pa AAA pa asina por ehempel bin cu e carrental boothnan den Arrival hall, caminda cu ora cu a tende di esakinan, SADA a expresa su mal contento directamente cerca e director. Manera cu e tabata sa y manera tur hende sa, tin un comision cu ta anda cu esaki.
Ora cu a splica director di Douane, kico ta e puntonan di preocupacion di esaki y a mustre cu biniendo cu carrental paden ta bay limita nan espacio, hacie mas chikito y lo limita nan manera di traha eyriba.
Ta compronde for di AAA, cu nan ta bin cu e plan aki meramente pasobra tin algun carrental priva of ilegal cu no ta haci uzo di nan boothnan pafo, ta bin hussle y kita cliente for di esnan cu si ta huur a localidadnan pafo. Den e caso aki nan ta haciendo nan problema bira problema di Douane, door cu nan ta drenta den nan area, cu blessing di director haci nan espacio mas chikito, y asina stroba nan di efectua di haci nan trabao manera cu nan sa haci.
Tin ora cu no ta haci uzo di full e luga, pero ta depende di cua vuelo. Ta depende di varios factor con nan ta ehecuta nan trabao den sala di yegada. Aruba ta depende primordialmente di turismo y logicamente sa cu no mester bay perhudica turismo, pero controlnan di Douane, den nos leynan no ta distingui turismo cu local.
Di un banda ta haya indicacion di leiding cu tin cu baha cu man duro riba turistanan local of esnan cu ta bin for di nan vacacion, pero nan kier di un otro banda nan kier pa trata turistanan di Merca cu handschoen di felpa. Y esey no ta perscribi den ley.
Ora di papia di laga turistanan Mericano pasa bay, y no worry si nan tin cos pa paga of no, pasobra nan ta esunnan cu ta carga e economia, ta un indicacion eroneo of fout di parti di leiding, pasobra Douane mester keda ehecuta nan trabao manera cu nan ta huramenta pa haci’e.
Den nos ley no tin ningun distincion di turismo di cualkier parti di mundo. Tur hende ta suppose di wordo trata igual.