En conexion cu horcan Matthew na Florida, Aeropuerto Internacional Reina Beatrix tin e siguiente cancelacionnn di vuelo te cu awor aki for di American Airlines: AA 1036 (aua-mia), AA 1028 (aua-mia), AA 2217 (mia-aua).
Manera cu nos sa caba. Matthew, despues di a pasa riba Haiti y Bahamas, ta na caminda pa e parti oost di Florida. Ya caba alertanan di evacuacion a tuma luga den diferente condado, entre otro un di e ciudadnan di mas grandi di Florida cu ta Miami. Mescos cu aeropuerto di Aruba, ya hopi vuelo a wordo cancela.
Mas di 2 miyon di persona ya a wordo yama pa bandona nan hogar. Ta e mayor evacuacion obligatorio desde horcan Sandy na aña 2012.