Internacional: Japan Airlines ta regala 50 mil pasashi pa vuelonan nacional di ida y vuelta gratis pa turistanan internacional. Pero mas cu claro esaki tin un “catch” cune. E sorteo tin como obhetivo pa laga e turistanan viaha pa e partinan menos bishita di Hapon y talvez kita un poco di “trafico pisa” na Tokio entre e fechanan di 1 di Juli pa 30 di September di otro aña, ya cu e cuidad lo ta sede di e Weganan Olimpico. Sinembargo, pa gana e pasashinan gratis aki, e biaheronan mes ta registra pafo di Hapon cu e programa di viahero frecuente “Mileage Bank” di e compania. Y nan no lo por scoge nan destinacion te cu algun dia despues di haci e solicitud. E aerolina ta recomanda cuater destino local pa eligi, bulando for di aeropuerto di Haneda na Tokio, of pa aeropuertonan di Osaka, Itami y Kansai. Famianan y amigonan cu ta biaha hunto por presenta solicitud den forma di grupo di cuater persona y esakinan mester sosode den e tres dianan prome cu e solicitud.