Pa algun tempo caba aerolineanan ta den noticia na Aruba, y tambe Aruba Airlines tambe ta un di nan cu ta confrontando problema. Unda a kita trahadonan asta piloto a keda kita luna pasa. Te asta Aruba Airlines a haye problema cu e trafico aereo di Curacao pa loke ta sumanan habri.
For di bon fuentenan cerca di e aerolinea (local) Aruba Airlines, tin problema serio cu su postholdernan. Edwin Kelly director di (Directie Luchtvaart Aruba) a manda un carta na e aereolinea i ta duna Aruba Airlines 15 dia pa yena vacatura di su postholdernan cu ta habri nan e momentonan aki. Pero por a tuma nota riba un otro documento cu por lo menos 3 otro posicion clave ta habri. E structura cu Aruba Airlines tin awor aki ta sin e posicionnan clave segun DCA, E aereolinea no por opera, mester ground e avionnan y te hasta e por perde su AOC.
Den e carta cu DCA a manda ta hala atencion di Hubert Zievinger accountable manager di e aereolinea pa cu e prestacion di e postholder Mr. Anzola cu falta experecia den maneho i conocemento den e materia principal di aviacion. Hasta tin falsificacion di documento. E aerolinea falta e.o. un safety manager, director of flight operations, director of training, y un compliance monitoring manager. Varios di e posicionnan aki ta wordo busca awor aki pa medio di avisonan den corant.
Tambe tin informacion cu Aruba Airlines ta reemplasa hendenan local pa (Venezolanonan) di cual ta inaceptabel como cu e ta opera como compania di Aruba. DCA no por sigui cu e persona cu Aruba Airlines a nombra pa e posicion ariba menciona y ta revoca su permiso di postholder pa e aerolinea. E carta cu ta fecha 24 Maart caminda DCA pidi pa busca un postholder dentro di 15 dia.
Informacion cu masnoticia tin ta cu e aereolinea ta bula pa merca, y tur su documentonan mester ta na ordo. Merca no ta autorisa niun aereolinea drenta su espacio aereo sin cu e documentonan ta na ordo i si e personal no ta cualifica. Chens ta grandi cu Aruba ta perde su categoria 1 pa 2. Si Merca informa FAA riba e situacion di e aereolinia aki por baha Aruba pa categoria 2 mescos cu Corsow. Na e momento aki Aruba tin categoria 1. Corsow tin hopi problema cu su operacion pa cu nan aerolinea dor cu nan tin categoria 2. E situacion na Aruba Airlines ta basta serio na e momentonan aki.