BOGOTA, Colombia – Aeronautica Civil a confirma diamars cu lo autorisa e aerolinea Avianca pa contrata pilotonan di otro pais, buscando pa mitiga e afectacion pa e welga di 702 piloto cu ta completa casi dos siman.
Previamente, e compania a solicita e organismo pa studia e opcion cu tripulacionnan stranhero por opera aeronavenan Colombiano of stranhero den e teritorio nacional. Mescos cu a keda acorda, desde diamars, 3 di October, Avianca por contrata pilotonan di otro pais pa un periodo di tres luna; sin embargo, den cada tripulacion tin cu figura por lo menos un empleado Colombiano.
Aerocivil a manifesta den su momento e director encarga di e entidad, coronel Edgar Sanchez, a sigura cu e propuesta ta basa “riba enormanan cu ta existi di e Codigo di Comercio mescos cu e Codigo Laboral y di e mesun reglamentacion cu tin e entidad pa garantisa e movilidad, cu tabata e rekerimento cu e Gobierno Nacional a haci.”
Dia 20 di September, 702 piloto di e Asociacion Colombiano di Aviadornan Civil (ACDAC), cu ta ekivalente na e mita di esunnan di Avianca, a cuminsa un welga alegando cu nan ta busca mayor siguridad den e aeropuertonan Colombiano, nivelacion salarial y e reduccion di nan oranan laboral.
Siman pasa, a aerolinea a solicita na e Tribunal Superior di e Districto Hudicial di Bogota, e declratoria di e ilegalidad di e welga, na cual el a wordo inadmiti pa un serie di iregularidad pero cu finalmente a wordo acepta diahuebs.
Ante e problematica cu a genera e cese di actividad di e pilotonan, e Gobierno Colombiano a convoca un tribunal di arbitramento pa e intermedia den e conflicto laboral entre Avianca y e 702 trahadonan.
Fuente: www.elespectador.com