Sr. mr. Juan ‘Ady’ Thijsen dialuna a wordo reeligi como presidente di parlamento, pa cu e siguiente aña parlamentario. E ta repasa su prome aña como presidente di parlamento.
Parlamento a repasa e aña parlamentario 2017- 2018. Y diamars lo tin e apertura di aña parlamentario nobo. A repasa cierto puntonan. Sr. mr. Thijsen a splica cu 13 aña e tin como miembro di parlamento. El a pasa den hopi cos, e nivel tabata hopi abao y hopi biaha atakenan personal.
Democracia ta algo bunita, ya cu tin diferencia di opinion. Tur ta traha na bienestar di e pueblo. Sr. Thijsen por wak atras ariba un aña parlamentario otro, uno mas rustig compara cu añanan anterior. Nunca lo por funciona 100% y cu e proceso lo cambia den un dia. E ta depende di e parlamentarionan.
Sr. Thijsen a bisa cu ta facil pa manda saca un hende cu ta haci fastioso den parlamento. Mester conscientisa pueblo cu e mester bay cu respet. P’esey el a kies conscientemente pa wak si cos ta cambia. Tin biaha ta tuma accion, pero esey no ta e manera, segun Sr. mr. Ady Thijsen. Pueblo mester por ta na reunionnan. Mester tin respet, pero esey ta conta tambe pa parlamentarionan.
Como parlamentario bo por duna bo opinion, bin cu puntonan fuerte, segun Sr. mr. Thijsen, pero haci esaki cu respet. Esey ta refleha hopi biaha den comunidad. Por sinti si cu tin un diferencia entre e aña parlamentario dirigi pa Sr. mr. Ady Thijsen. Por wak esey vocifera den e hecho cu el a wordo eligi un biaha mas pa dirigi e aña parlamentario 2018- 2019.
Hunto ta haci e trabao, y pueblo a scoge pa un cambio. Despues di 16 aña a vota pa un cambio y tin un coalicion atrobe, segun presidente di parlamentario, Sr. mr. Ady Thijsen, presidente di parlamento.