Sra. Nathaly Hooi- Pablo, coordinador di cliente na Aduana a splica cu sa pasa dia cu ta druk. Pero semper ta purba di yuda tur cliente y comerciantenan pa loke ta e servicio di sacamento di nan carga.
Segun Sra. Hooi Pablo a splica cu tin ora ta haya tende di kehonan, caminda cu tin tardansa den Vrijmaking. No ta tur dia ta mesun druk, dialuna te cu diaranson ta dianan cu ta bastante keto. E dianan druk ta diahuebs y diabierna y di delanta, Aduana ta zorg pa tin suficiente hende pa cumpli cu tur e peticionnan cu tin. Ora cu ta hopi druk, nan ta haya yudansa di otro departamentonan di Aduana, cu ta airport, waf, etc. Tambe tin e posibilidad di overtime.
Maximo cu por dura pa saca carga for di waf, por dura 1 te cu 2 dia. E comerciante mester tin tur su papelnan na ordo y despues pasa cerca Sra. Hooi- Pablo, nan ta bin y ta wordo gescheduled pa haya un ambtenaar di Aduana. Aworaki cu e website, esaki ta haci e proceso mas facil pa e comerciante, Aduana ta focus ariba e comerciante, pa duna un miho servicio.