Durante conferencia di prensa yama pa departamento di Aduana, Sra. Marlin Wout a splica mas di con ta bayendo cu e servicionnan di e “Vrijmaking”.
Tur loke ta cay bou di e proceso di “Vrijmaking” ta e control di containe, e terreindienst, containerscan, y e VCP- program. Kico un cliente mester haci pa haya servicio di Aduana pa release container, segun Sra. Wout, ta e broker merter pasa na oficina di Aduana, pa pidi servicio di Aduana. Tambe tur e papelnan mester ta corectamente yena, pa cual ta e aangifte, e factura y permiso di importacion. E mester paga tur e gastonan ora di pidi pa e servicio. Ora cu esaki tur ta cla, e coordinador di cliente ta schedule e cliente y un ambtenaar di Aduana ta wordo apunta na e cliente.
Sra. Wout a sigui splica tocante Terreindienst, cual trabaonan cu ta wordo haci lihe pero cu tin menos risico. E departamento di Terreindienst ta haciendo controlnan y esaki ta bayendo bon. Nan ta detecta algun iregularidad cu ta genera extra pago y cu ta resulta den procesverbaal.
Na waf di Barcadera, Aduana ta conta cu un containerscan, cu ta facilita e proceso di release containernan. Banda di esaki nan tin un VCP, Voluntary Complaince Program, cu ta un trata preferencial cu ta forma parti di e programa aki. Cu esaki Aduana tin cu meta pa completa e aangifte y release e carga den Vrijmaking , den menos di 24 ora. Actualmente e VCP – program ta “on hold”, ya cu ta evaluando con lo sigui cun’e.
Aduana ta esforsando pa duna e miho servicio na nan cliente. Meta di Aduana ta pa stimula economia y no stagna esaki. Pa motibo di esaki, Aduana a bin cu un declaranten cursus, cual ta hopi importante pa e cliente. E proceso lo bay miho tambe y ta facilita e proceso tambe pa release e containernan, segun Sra. Marlin Wout.