Adolescente ta comete suicidio despues di encuesta riba Instagram

E minister di Hubentud y Deporte, Syed Saddiq, a expresa su preocupacion pa e salud mental di e hobennan na Malaysia.

Un adolescente di Malaysia cu a publica un encuesta riba su cuenta di Instagram riba si e lo mestr biba of muri, a comete suicidio despues di cu mayoria di su siguidonan a vota na fabor di su morto.

E hiben di 16 aña, cu tabata biba den e estado di Sarawak, a muri “diripiente” despues di a publica e sondeo ariba red social dialuna, polis a informa na medionan local.

“Ta hopi importante, yudami eligi entre D/L”, el a scirbi ariba su cuenta di Instagram, segun informacion riba e web Astro Awani. Letter D ta referi na “death” (morto) y L na “life” (bida)

Un 69% di e participantenan a vota pa morto y 31% a vota pa bida, segun polis.

Diputado Ramkarpal Singh a pidi un investigacion “pa evita otro abusonan riba rednan social” den circumstanciana dudoso.

Di otro banda, e minister di Hubentud y Deporte, Syed Saddiq, a expresa su preocupacion pa e salud mental di hobennan na Malaysia. “E ta un problema nacional cu mester wordo trata di inmediato”, el a agrega.

Ching Yee Wong, e persona encarga di comunicacion di Instagram pa Asia Pacifico, a transmiti su condolencia na e famia.

Wong a reconoce cu e red social, propiedad di Facebook, tin “e responsabilidad importante di sigura su mes di cu personanan cu ta uza Instagram sinti nan mes sigur y apoya”.

Comments

comments