E reguladornan di henter mundo a ground MAX na maart 2019 despues di accidente di un avion di Ethopian Airlines. E accident aki a sucede 5 luna despues cu cu otro MAX di Lion Air di Indonesia a cay na lama Java.
Un total di 346 pasahero y miembro di tripulacion di ambos avion a fayece. E avion no lo bula pa algun tempo, e tin permiso ora cu FAA aproba e cambio di training di piloto pa cada aerolinea. Tur aerolinea di Merca mester realisa mantencion rekeri pa avion.
Investigacion a keda centra den e software di Boeing idea pa contraresta e tendencia di avion inclina su mes mirando su medida y motor. E software ta locual a pusha ambos avion pa dal abou, e piloto no por a recupera e control. Den cada caso tabatin un sensor cu defecto.
FAA ta rekeri pa Boeing cambia e software pa no e avion no bay di punta cu direccion abou. Boeing a bisa cu e software tampoco ta anula e control di piloto manera den pasado. Boeing mester instala sistema nobo di visualisacion pa piloto y cambia e forma di cabel.
American Airlines ta e unico liña di Merca cu a pone MAX bula cuminsando cu biahe entre New York y Miami for di 29 di december.