BERLIN, Alemania- Oskar Gröning, na 2015 a wordo condena na 4 aña di prizon pa “complicidad” den e asesinato di 300 mil hudiu, lo mester cumpli cu su sentencia. E tin 96 aña.
E Tribunal Constitucional Aleman a anuncia diabierna cu ultimo recurso (di apelacion) a wordo rechasa. Oskar Gröning ta di opinion cu e no por bay cera door di e estado di salud.
Pero Gröning lo por wordo aresta y hiba prizon den cualkier momento.
E tribunal ta considera cu no ta existi motibo pa duda di e informenan medico cu ta certifica cu Gröning ta apto pa bay prizon. Ademas, “mester tene cuenta cu e hecho cu e denunciante a wordo condena pa complicidad di asesinato di 300 mil caso, cual ta duna e ehecucion e sancion.
Pero e acusacionnan contra di e ex SS ta basa ariba dos punto: e ta wordo acusa di a apoya e regimen economicamente, mandando placa di personanan deporta pa Berlin, y di a asisti na tres ocasion na e “seleccion” caminda cu e recien yeganan tabata wordo separa na e entrada di e campo, entre esunnan cu por traha y esunnan cu tabata wordo ehecuta di biaha.
Fuente: https://www.infobae.com