Adicto ambulante ta horta mashin di zaag pa e por bend’e esaki

Riba diaranson 9 di januari, pa mas o menos 2 or y 10 di marduga, durante un patruya di rutina den Caya Betico Croes, Centrale Post ta manda un patruya pa e luznan di trafico na altura di Citgo Oranjestad. Segun informacion, un security a wak un persona comete ladronica. E persona en cuestion lo ta canando den direccion di e lusnan di traifco, cu’n obheto ariba su lomba y tabta bisti cu’n camisa di color, un jeans largo y tabata tin cabey cortico, casi pelon. Na altura di Baby Back Ribs, tabata bezig na e grill y banda di e persona, tabata tin un obheto poni ariba vloer. Yegando mas cerca, polisnan a ripara cu e persona en cuestion ta klop cu discripcion duna door di CP. A reconoce e persona como e adicto ambulante femenino yama D. E obheto poni ariba vloer banda di e adicto ambulante tabata un zaagmachine di e marca y modelo Delta Shopmaster, color gris y preto. E adicto ambulante a declara na polis cu enberdad e tabata tin e mashin di zaag ariba su lomba, pero cu el a haya esaki poni banda di un bari di sushi. El a sigui declara cu e lo hiba e mashin pa su ruman homber drecha esaki pe y pa e por bende pa 5 florin. En conexion cu esaki, e adicto ambulante D. a wordo aresta pa violacion di e articulo 2:289 di nos Codigo Penal.

Comments

comments