Adicto a bati otro te desforma su cara den Ranchostraat

Dialuna marduga den area di Ranchostraat y Visstraat a surgi un pelea formal entre dos adicto ambulante unda un a dal otro formalmente cu un palo den su cara lagando e cu fractura serio na su cara hincha y desforma.

Patruya a yega di biaha ne sitio, eynan oficial ta topa cu un adicto ambulante masculino cu un cara completamente hincha ambos banda y ta grandi y e no tabata ni por a papia bon.

Polisnan a haya e maltrato aki uno serio mes y tin cu busca e sospechoso pa keda deteni y e adicto agredi a duna Polis cu e lo haci denuncia n’e manera con el a keda.

Polisnan di Oranjestad a cuminsa cu un buskeda y bon trabou banda di Lagoen a topa cu e sospechoso y el a keda deteni di biaha di cual ta un otro adicto.