Diadomingo marduga riba e caminda di Pavia un accidente pisa a keda registra unda dos auto a dal frontal. Polis a yega di biaha y mira cu e situacion ta grave unda den un yaris un dama na stuur tabata basta herida y paramediconan cu urgencia a transporte pa hospital, e tabata teme pa su bida y na hospital situacion a complica y a pone e pashent den coma.
Durante dia a informa famia di e situacion cu e dama ta clinicamente morto y tabata riba mashin. Diaranson a kita e machin y dokter a constata morto di Adelizah Vrolijk cu ta yiu di colega di prensa Leo Vrolijk. Forsa na famia den e momentonan dificil aki. Esaki ta bira otro morto den trafico.