Addonsito Croes: Pabien CB BRAZIL, Fundacion CHICO HARMS y Fundacion BERNADINA GROWELL!

E parada cultural celebrando “Dia di Brazil 2020” tawata di un bunita nivel! Nada ta stroba nos di realsa Aruba su Cultura bunita! 45 aña CB Brazil y 10 Aña desvelo di Borchi di Caya Bernadina Growell tawata e motibo pa celebracion. Apesar cu circunstancia nan no ta mesun cu nos tawata tin den pasado, asina mes Fundacion Chico Harms, Fundacion Bernadina Growell hunto cu Centro di Bario Brazil, a presenta un atardi unico den cual e folklore bunita compaña pa cancionan inolvidabel di Bernadina a ser presenta. Bunita ta pa wak con tanto hoben y adulto tawata parti di e celebracion aki. Tin cu enfatisa cu e organisacion a tebe cuenta cu distancia social di e participante nan den cual ta usa un sinta di mas cu 1,5 meter entre e participante nan.

Comments

comments