Dia di Betico seguramente, un dia grandi cu nos ta celebra y conmemora fecha natalicio di Libertador Arubano Gilberto François Betico Croes den feliz memoria. Awe Serlimar ta para keto un rato y ta reflexiona ariba e fecha aki di un gran estadista y yui di tera sagrado aki.
Cu gran satisfaccion, nos ta uni nos mes pa felicita nos pueblo Arubano ariba e dia importante aki cu nos libertador a lucha pa su isla stima.
Na e mes un momento, Serlimar ta participa na tur su cliente nan pa tene bon cuenta ariba e cambio nan di recogemento di desperdicio residencial y comercial cu ta bay cay un dia despues cu e fecha custumbra normalmente.
En conexion cu Dia di Betico, gerencia di Serlimar ta avisa tur negoshi y e publico en general, di e siguiente cambio di orario pa ruta nan adapta:
Adaptacion Ruta nan Residencial
E adaptacion di rutanan residencial ta aplicabel pa adresnan cu ta ricibi servicio riba diaranson, cu dicho servicio lo wordo recogi un dia despues:
• Rutanan di diaranson (Dia di Betico) ta ser recogi riba diahuebs 26 di januari
• Rutanan di diahuebs ta wordo recogi diabierna 27 januari.
• Rutanan di diabierna lo ser recogi riba diasabra 28 di januari.
Adaptacion Ruta nan Comercial:
• Diaranson 25 Januari clientenan cu a paga pa haya servicio tur dia unicamente ta haya servicio;
• Diahuebs 26 Januari ta recoge ruta di diaranson y diahuebs;
• Diabierna 27 di Januari ta sera siman cu ruta di diabierna.
Weegbrug, Containerpark y Landfill Parkietenbos
Diaranson, 25 di Januari Weegbrug y Containerpark Parkietenbos lo ta cera.
Servicio di Helpdesk y Oficina
Serlimar su oficinanan lo ta cera riba 25 di januari y lo asumi servicio riba diahuebs 26 di januari entrante 7. 15 di mainta.
Di antemano, masha danki pa tuma bon nota di e participacion aki. Un feliz Dia di Betico na henter nos comunidad. Pa mas informacion, comunica libremente na 524-5080.