Pa motibo di Matthew, Gerencia di Serlimar ta informa pa garantisa e siguridad di nos trahadonan, di e publico general y di trafico, cu no por brinda servicio pa recogemento di desperdicio Residencial y Comercial riba e siguiente dianan:
– Diahuebs 29 y diabierna 30 di september 2016. Serlimar lo asumi servicio di recogemento residencial y comercial entrante dialuna 3 di October.
Riba dialuna 3 oktober lo recoge rutanan di diahuebs y riba diamars 4 October lo recoge rutanan di diabierna (Noord).
Riba diaranson 5 October lo cuminsa cu rutanan di dialuna (San Nicolas). Pues tene cuenta cu tur ruta lo ta atrasa cu 2 dia durante otro siman.
Lo keda monitor e situacion di tempo pa determina e posibilidad di brinda servicio na clientenan comercial cu servicio diario (restaurant etc.) riba diasabra 1 di October.
Nos ta avisa henter comunidad di Aruba pa keda pendiente pa cualkier update cu nos lo informa den medionan di comunicacion y nos Facebook page SerlimarAruba.
Landfill y containerpark Parkietenbos lo keda habri segun orario normal, te unda e situacion di tempo ta permiti. Esaki pa por keda facilita servicio na e instancianan oficial di e Rampenplan y tur usuario maximalmente.
Dado caso, si por tin cualkier cambio den esaki, Serlimar lo informa na comunidad y nos clientenan na su debido momento. Di antemano, danki pa tuma nota di e comunicado aki.