Acusado condena pa falsifica firma ora e tabata Secretario General di AVB

Un acto cu un miembro di directiva di Arubaanse Voetbal Bond (AVB) a comete, a causa cu e mester a presenta dilanti mesa y a wordo declara culpabel. Un acto cu ta pone un mancha no solamente riba dje, pero tambe riba henter e directiva, cuminsando cu e presidete.

Ta trata aki di e homber Reynaldo Geerman, kende su detencion a wordo ampliamente publica na inicio di aña.

A resulta cu e homber aki a falsifica firma riba un formulario. Y, segun el a bisa, no ta prome biaha. Tur cos tin di haber cu participcion di e ekipo di RCA tn un campeonato, no local pero internacional. Cu ta haci e situacion pio.

Segun el a splica, semper ta yena e formulario di forma digital y nunca e presidente di RCA ta firma pero ta pidi autorisacion pa yena esaki den nan nomber.

Pero pa su mala suerte e formulario no a wordo yena malo, bisando cu RCA no ta participa. Na momento cu mester a yen’e di nobo, e ora si e presidente a firma. Ey ta caminda cu a constata cu e firmanan ta diferente. Mirando e situacion aki, e club di RCA a dicidi di distancia mesora di e campeonato a evita cu e lo por trece consecuencia grandi pa Aruba.

Geerman a trata di hustifica su mes bisando cu ela haya autorisacion di RCA. Pero fiscal a keda mustr’e riba e hecho cu e no tin autorisacion pa firma e nomber di presidente di RCA. E ta keda falsificacion.

E unico aspecto cu a tene na consideracion ta cu e no a haci pa beneficia su  mes sino pa inscribi un ekipo den un campeonato internacional. Pa e motibo aki a pidi 60 ora di trabou pa comunidad y 2 aña di prueba. Esaki Hues a bay di acuerdo cu ne tambe.

Comments

comments