Manera conoci, algun dia atras a cuminsa tratamento di un caso sumario entama pa Croes, Wever y Ruiz contra Fundacion Nos Ta Aruba. Siman pasa Hues tabata basta specifico y kier a sa riba cuestion di Kevin Wever, yiu di minister president. Fundacion Nos Aruba a laga sa cu nan a para fuerte den presenta Hues loke nan tin, y tin mas ainda cu ta bini. Segun e fundacion, door cu tin algun investigacionnan andando, nan no a trece mas cu loke nan tabata tin siman pasa. Awe Hues a dicta y duna rason na oficina di abogado Croes, Wever y Ruiz.
Abogado Ruiz di sr. Wever(prome minister su yiu homber) a bin dilanti pa asina comparti riba e caso aki algun dia atras. Despues di a duna un splicacion riba kico a tuma luga den corte e ta bisa cu e stichting a bin dilanti cu ‘tapes’ anto esey tabata e prueba pa culpa sr. Wever di corupcion y fraude.
Sinembargo segun sr. Ruiz, e stem no tabata di sr. Wever, cu su mama mes a reconoce, a bin na cla cu tabata stem di ‘un tal Arthur’. Ora a play tur 4 tapes, hues a puntra si esey tabata e unico prueba cu tin en contra sr. Wever, caminda el a contesta cu e tin mas ‘pero no por mustra awo pa motibo cu por stroba caso di ministerio publico.
Hues tabata kier suficiente evidencia, pero no tabatin nada pa bin en contra sr. Wever, asina abogado ta splica. Ora cu e menciona e sr. Arthur su stem. “A resulta di ta un Arthur Mansur, nos mirando e forma con sr. Williams ta papia cu odio, ta manera cu e door cu e mes no a haya su corupcion, e ta bin dilanti cu rabia asina”, e ta splica.
Akinan por lesa e sentencia:
