Samuel Johnson, director general di Barcelo Aruba, ta papia tocante e negociacion di e CAO y e futuro di Barcelo.
Segun sr. Johnson, nan a recore un trayecto di lunanan largo pa haya un acuerdo cu por a beneficia no solamente e trahadornan sino tambe e empresa. E beneficio mas grandi ta cu e reduccion di 6 dia pa 5 dia no lo afecta e salario di e trahadornan. Nan lo sigi wordo paga comosifuera nan ta traha e 6 dianan. E acuerdo tin su duracion di cuater aña. E director ta aplaudi e esfuerso di tur esnan cu a traha duro pa logra e acuerdo aki.
Sr. Johnson ta duna di conoce cu loke nan a haci cu Barcelo ta mehora su condicion dor di inverti un suma di 12 miyon di dollar pa renoba e cambernan y e areanan publico manera e lobby.