CIUDAD DI VATICANO/BEIJING- Un acuerdo historico a wordo logra entre Vaticano y Republica Popular China pa logra e descongelamento di relacionnan diplomatico entre ambos estado, cu a kibra na 1951. E tempo ey, e mandatario di turno a dicidi di expulsa e nuncio apostolico na Beijing y tambe miembrnan di misionnan catolico.
E prome paso despues di e acercamento ta e reconcemento di parti di Santa Sede na shete di e 60 obisponan cu a wordo nombra door di e regimen sin aprobacion di Roma; seis ainda ta na bida y uno ya caba a fayece.
Monsegnieur Pietro Parolin, secretario di Estado di Vaticano a expresa den un comunicacion graba cu “papa Francisco, mescos cu su predecesornan inmediato, ta mira e pueblo Chines cu special atencion. Loke mester awo ta unidad, confianza, tin mester di un impulso nobo pa e pastoornan nobo wordo reconoci pa e sucesornan di San Pedro, pa e papa y pa e autoridadnan civil legitimo”.