Diamars atardi, e partidonan cu lo bay forma e proximo gobernacion a tene un conferencia di prensa na Ayo Rock Formations.
Sra. mr. Evelin Wever- Croes, den su posicion como Formador, a splica e motibo pa cual nan a scoge pa Ayo Rock Formations, cu ta un luga cu hopi historia, un luga mei mei di e barancanan solido pa firma e acuerdo di formacion. Esaki ta e prome, nan no ta cla ainda, segun Sra. Evelin Wever- Croes. Na lo bay segun fase. Nan lo bay siguientemente pa e acuerdo di gobernacion, y despues pa e reparticion di carternana. E documento cu a wordo firma ta yama Hunto Pa Aruba. Riba dje por aprecia e colornan di Aruba pasobra cu a laga e colornan di e partidonan politico un banda pa traha pa Aruba.
Den liñanan grandi e acuerdo ta basa ariba tres punto importante. E prome ta Bon Gobernacion, Integridad cu ta algo cu nan a compromete nan mes pa duna Aruba. E siguiente gobierno lo tin e calidad di nos democracia y institutonan democratico hopi na pecho. Lo duna prioridad na un gobernacion transparente.
E di dos punto, un financia publico stabiel balansa y duradero. Si no tin fondo, no por cumpli cu e pueblo. E di tres e ser humano central. Duna e ser humano siguridad pa biba den trankilidad, brinda mas proteccion. Asistencia social. E problemanan social cu meter cu mester haya mas atencion pa por combati nan. Desaroyo Economico: un desaroyo cu por trece mas bienestar den cada hogar. Desaroyo sostenibel. Aki ta pone enfasis riba Cuido di Nos Naturalesa y di Medio Ambiente. Enseñansa di Calidad, pa prepara nos siguiente generacion riba economia di futuro. Cuido di Nivel Halto. Cuido di Salud y cuido di nos grandinan na un nivel halto. Vivienda pa nos tur, ya cu tur hende merece un dak ariba nan cabes.
E puntonan aki como tambe otro puntonan di atencion ta: Infrastructura, Deporte, Transporte, Asuntonan di Reino, Comunicacion, Integracion, Energia Sostenibel y Cultura, lo keda amplia y elabora den e programa di gobernacion 2017- 2021. Den e acuerdo aki tin e liñanan grandi loke e partidonan a bay campaña cun’e y cu lo bay enfoca den un gobernacion.
Cu e firmamento di e acuerdo di gobernacion, a pone e prome piedra pa proximo gobernacion. Sra. Evelin Wever- Croes a bisa cu e barancanan di Ayo ta inspiracion
E proximo encuentro, nan ta sigui ariba e siguiente nivel, e diferente gruponan di trabao, ta yudando nan cu e programa. Banda di esey Sra. mr. Evelin Wever – Croes tin diferente reunion cu diferente instancia y institutonan. Faltando 10 dia pa un parlamento nobo y tur cos ta mustra cu nan ta riba e bon caminda.
Den e liñanan grandi, tin un documento firma. E siguiente paso ta bay den programa di gobernacion den liñanan mas detaya, eynan tin trabao pa haci. Lo pasa ariba tur e puntonan di e diferente programanan. Lo make sure cu na fin di dia, tin un acuerdo cu ta wordo carga pa tur partido envolvi.
E siguiente fase ta e momento cu yega na e acuerdo di gobernacion mes, despues e siguiente fase ta e reparticion di cartera. E ora e negociacionnan ta cla. E partidonan ta presenta nan candidatonan pa minister, pa asina bay na e proceso di screening.
Meta di e reunionnan ta pa dia 27 di October tin un gobierno nobo, hunto cu e parlamento nobo, pa aproba e gabinete nobo y bay pa e fase di huramentacion.
Nan tin diferente fasenan pero e unico acuerdo cu nan tin te cu awo, te e acuerdo di formacion firma diamars merdia.