Dialuna mainta a tuma luga un conferencia di prensa yama pa Gobienro di Aruba cu minister di husticia, pa anuncia un acuerdo cu a wordo firma entre 3 departamento, cualnan ta Cuerpo Policial, CEA y KIA pa por traha hunto.
Segun director di KIA, Rocco Tjon, esaki tabata un momento hopi importante sigur pa KIA. Segun ley, nan ta obliga tambe pa tin un plan in place pa ora cu tin scarsedad of cierto situacionnan presenta, cu en todo caso, continuacion di e programa pa e detenidonan por sigui y tambe e siguridad por keda wordo manteni.
E firmamento di e MOU aki ta wordo garantisa awor aki. Banda di esey tambe, esaki ta e Intentie Verklaring caminda cu lo bay traha hunto tambe riba e parti di opleiding.
Temanan manera integridad, liderasgo, ta importante den tur tres organisacion y awor aki ta bay purba di focus riba e temanan aki hunto, asina pa en todo caso e gastonan ta mas abao y e procesonan ta mas eficiente.
Los di e parti educacion tambe riba e parti di “bedrijfsvoering”, tambe ta bay traha mas hunto awor aki. Mirando cu tur tres organisacion tin e mesun meta, na final di dia, pa haci Aruba mas sigur ainda y baha criminalidad, segun Tjon ta importante pa traha riba e “bedrijfsvoering”, ta uza e metodonan mas miho posibel.
Pa Ronny Geerman di CEA e acuerdo aki sigur ta importante pasobra trahando hunto ta yega na un acuerdo pa garantisa asina siguridad den nos pais.
E ta sigui splica e parti di firmamento di e MOU ta algo awendia ta comun pa tur hende cu ta traha cu otro. Pa tin un MOU in place, caminda cu sa kico ta spera di otro.
Pa CEA tambe ta importante mirando e opleiding, cooperacion riba tereno di ley, aunke e ta wordo haci caba. Pero awor aki cu e convencio ta mas cla tambe cu lo bay traha riba dje, ken tin cu responde na cua ora. Awor aki e cooperacion ta hopi bon, pero awor cu e MOU aki ta fortalece e relacion entre e tres departamento aki. Sigur awor aki mas departamento di husticia por bin firma un convencio asina aki di trabao.
Tambe minister di Husticia, Arthur Dowers a splica kico e plan ta di e acuerdo aki ta pa por laga e 3 departamentonan aki traha hunto pa esnan cu ta den KIA.
E mandatario a splica cu si ta trata di un emergencia, tin un responsabilidad hunto pa garantisa siguridad di e pais. E institucion prizon, ta un parti hopi delicado y vital di nos sistema hudicial. Esey ta nifica cu no solamente esnan cu ta traha den prizon, tin un responsabilidad pe , pero tambe esnan cu ta traha pafo. Sea cu ta traha pafo di prizon y na entrada di prizon. Cuerpo Policial ta traha na momento cu tin algo adicional. Tin momento cu Cuerpo Policial tin un rol pa hunga den prizon. Tin hende ta wordo deteni y pasa di biaha pa Cuerpo Policial, pero si tin calamidad por bin pafo.
Pa sostene otro pa formacion, a concentra hopi pa hiba e parti di opleiding di prizon na e instituto di polis. E instituto di polis mester desaroya su mes pa bira un instituto hudicial. Awor aki tin scol di polis, Academia Watty Vos y esey mester desaroya su mes den un academia hudicial, di siguridad pa full husticia.
E tipo di cosnan aki ta bin na ordo. No ta imposibel cu un hende cu ta traha na prizon lo por asisti tambe Cuerpo Policial, pasobra nan ta desaroya cierto tecnicanan na prizon cu mester uza esey, sea na CEA of na Cuerpo Policial. Sinembargo por mira un desaroyo caminda cu si opleidingnan desaroya, mira mas harmonia, cu por tin posibilidad cu un hende kier haci un cambio den su carera, hasta cu esey lo por ta posibel den futuro cu cursonan adicional esta bij y na scholing. E posibilidadnan ey ta wordo habri door di e vision cu tin door di e top di husticia cu ta bisa cu mester construi e fundeshi di husticia, siguridad di nos pais, conhunto.