CIUDAD DE MEXICO, Mexico- E actriz Mexicano Edith Gonzales a fayece diaranson den oranan di marduga na edad di 54 aña. El a perde e bataya contra di cancer di ovario.
Pa algun tempo caba Edith tabata lucha contra di e malesa di cancer, y tabata esaki precisamente tabata e causa di su morto. Gonzalez a wordo a bira malo dia 12 di juni ultimo y den oranan di marduga di diahuebs el a wordo desconecta for di e machinenan cu tabata tin’e na bida, den e hospital Angeles Interlomas, ubica den e estado di Mexico.
E actriz tabata protagonist di varios telenovela, entre cual ta inclui ‘Corazón Salvaje’, ‘Salomé’, ‘Nunca te olvidaré’ y ‘Doña Bárbara’, y tambe e obra di teatro Aventurera.
E ultimo Proyecto televisivo den cual el a participa tabata e programa ‘Este es mi Estilo’ di TV Azteca.
E noticia a wordo confirma pa famia y tambe directiva di e canal di television, como tambe personanan di e mundo di espectáculo manera Leticia Calderan, amiga di Gonzalez.
E fayecimento di Gonzales a causa reaccionnan entre su coleganan y e publico cu a manifesta nan tristesa y condolencia riba e rednan social.
Edith a nace un 10 di September 1964 na Monterrey, Nuevo Leon. Den e decada di añanan 1970 el a participa den varios pelicula, pero el a haya fama na 1979 pa su participacion den e telenovela ‘Los ricos tambien lloran’.
Despues a sigui mas telenovela exitoso manera Rosa Salvaje, En carne propia, Corazón salvaje, Nunca te olvidaré y Salomé, entre otro.
Tabata na 2016 cu Edith a anuncia cu el a wordo detecta cu cancer di ovario pa cual el a cuminsa cu’n tratamento pa supera esaki.
Pero lastimamente, awe 13 di juni, Edith a perde e bataya. E ta laga atras su casa Lorenzo Lazo, cu tambe ta sufri di cancer y su unico yiu Constanza.
Su ultimo deseo lo tabata ta pa su velorio wordo tuma luga den e teater Jorge Negret