Actriz Argentinero Christian Bach a fayece

CIUDAD DE MEXICO- E actriz Argentinero Christian Bach a muri dia 26 di februario debi na un paro respiratorio, según su famia a duna di conoce den un comunicado.
E comunicado publica dia 1 di maart ta splica cu, conforme su boluntad, asuntonan familiar y personal ta algo hopi priva, pero debi na su trabao como actriz y figura publico, nan ta comparti e noticia.

“Nos ta pidi boso encarecidamente, pa ricibi e noticia cu respet y cariño, pa asina, respeta su deseonan y su comportamento semper di un manera respetuoso y yen di cariño pa bosonan cu tanto el a stima y cu a apoy’e durante henter su carrera”.
Christian tabata un tremendo actriz y un muhe ehemplar, un gran mama y un casa cu a yena e vida di su famia cu amor, balentia, curashi y deseonan grandi di biba vida plenamente, acorde na su idea – y anhelonan. “Awe, nos ta bis’e te despues cu’n gran dolor den nos curason. Awe, nos tin cu sigui su pasonan y bay padilanti sin dje, sin su presencia fisico, combenci cu na ningun momento di nos vida nos lo stop di stim’e y ten’e den nos mente”, e comunicado emiti pa su famia ta bisa.

Desde 2014, Christian Bach a aleha di e mundo di actuacion y tabata ser specula cu e lo tabata tin un malesa incurabel, cual a wordo desmenti pa su famia. Su casa, Humberto Zurita, na 2018 a splica cu Christian tabata tin un problema cu’n veretebra, pero cu e tabata den terapia pa resolve esaki. Cu su famia, el a biaha pa Australia y New Zealand pa disfruta di su bida.

Adela Christian Bach Bottino a nace dia 9 di mei 1959 na Argentina, unda cu ela gradua como abogado. Pero e ta biaha pa Mexico pa realisa su mes como actriz. AKi ta unda el a conoce e señor telenovela, Ernesto Alonso, ken a dun’e un papel den “Bodas de Odio”, cu caul el a haya fama.

Na 1986, el a co- protagonisa cu Humberto Zurita den e telenovela “De pura sangre” y e mesun aña aki e pareha ta drenta enlace matrimonial.

Diez aña despues e pareha Zurita- Bach ta dicidi di forma nan mesun compania di produccion, Zuba Producciones y ta bandona Televisa pa bay TV Azteca. “La Mujer Frente al Amor” tabata su prome telenovela unda e tabata tin un papel chikito, pero a wordo sigui pa hopi otro manera: “Te sigo queriendo, Ana”, “Verónica”, “Propiedad horizontal”, “Los ricos también lloran”, “Colorina”, “Soledad”,, “El amor nunca muere”, “Bodas de odio”, “De loura sangre”, “Encadenados”, “Atrapada”, “Bajo un mismo rostro”, “La antorcha encendida”, “La chacala”, “Agua y aceite”, “Vidas Robadas”, “La patrona” y “La impostora”.

Bach a participa tambe den cine y e cintanan unda cu mas el a destaca tabata “Gavilán o Paloma”, “Los placeres ocultos”, “Yo, tú, él y el otro”, entre otro.

E ganado di cuater premio TVyNovelas y dos premio TuMundo a haya dos yiu cu Humberto: Sebastian y Emiliano Zurita.

 

Comments

comments