Internacional: E actor David McCallum, kende a haci e rol den e popular serie “NCIS” di CBS, a fayece na edat di 90 aña, e cadena di television a informa den un comunicado.
“E tabata e tata mas amabel, tremendo, pasenshi y cariñoso,” su yiu Peter McCallum a scirbi den un comunicado di famia, pa CBS. “Semper el a pone famia dilanti di su mes.”
McCallum a muri di causanan natural rond di su famia na Hospital Presbiteriano di New York, CBS a informa.
“David tabata un actor y autor talentoso, y stima pa hopi hende den henter mundo,” bo ta lesa den e comunicado di e cadena. “El a biba un bida impresionante y su legado lo keda pa semper ataves di su famia y e incontabel ora di cine y television cu nunca lo desaparece. Lo kita nos falta su calor y e tabata cla e cualkier sala of estudio di sonido cu e yega, manera tambe e historianan briyante cu hopi biaha comparti tocante un bida bon bivi”.
David ta naci na Scotia y despues di varios papelnan den televishon Britanico, McCallum a haya su gran oportunidad na Merca cu e serie di spia di decada di 1960 “The Man From U.N.C.L.E.”, den cual el a interpreta e agente Illya Kuryakin. E tabata e partner principal hunto cu Robert Vaughn, kende a interpreta e spia/fbi Napoleon Solo.
McCallum a ricibi un par di nominacion Emmy pa e serie y a traha constantemente despues di esey. E tabatin, entre otro, papelnan den peliculanan manera “The Great Escape” y “A Night to Remember”. Tambe el a protagonisa un episodio memorabel di e serie di ciencia ficcion spantoso “The Outer Limits”, “The Sixth Finger”, unda el a interpreta un homber comun cu a ofrece su mes pa somete na un avanse evolutivo na velocidad acelera.
McCallum a bolbe televishon cu un papel estelar den e serie di NBC di 1975 “The Invisible Man”, pero e programa, apesar di su efectonan special revolucionario na e tempo, a dura solamente un temporada. Su ultimo actuacion improbabel na televishon tabata cu “NCIS” di CBS. McCallum a interpreta e dokter forensico mayor Donald “Ducky” Mallard, un profesional cu a sirbi e investigadornan di e programa.
McCallum ta casa pa 56 aña, Katherine McCallum, cuatro yiu (Paul McCallum, Valentine McCallum y Peter McCallum), su yiu muher Sophie McCallum y ocho nieto.
