Peter Mayhew pa varios aña a interpreta e Chewbacca, un extraterestre gigante y yen di cabey, den e saga Star Wars.
E actor Peter Mayhew, cu a interpreta Chewbacca durante varios aña a fayece diamars na su cas na Texas. E tabata tin 74 aña. Esaki segun su famia a informa riba Twitter.
Mayhew, naci na Londres na mey 1944, tabata midi 2,21m cu a dun’e e oportunidad di su prome rol di cine na 1976, den e pelicula “Simbad y e wowo di tiger”, unda cu el a duna bida na un minotauro.
Siguiente aña, George Lucas a eligi’e pa interpreta Chewbacca den e prome pelicula di “Star Wars”, y el a sigui den e papel aki te na “The Force Awakens (2015), prome cu el a wordo reemplaza door di problemanan di salud.