RAMALAH – Ahed Tamimi ta un di e tanto Palestinonan cu ta resisti, di cualkier manera posibel, contra di e ocupacion Israeli di su teritorionan. El a bira famoso na 2010, ora cu siendo un mucha el a keda registra ora cu e tabata para dilanti un soldaat cu su mokete den halto. Na 2016 el a ripiti un imagen similar dilanti di un muhe militar.
E siman aki, Tamimi a bolbe bira noticia mundial pa un video unda cu por wak’e ta dal dos soldaat den nan cara y ta hasta skop nan na Nabi Saleh, cerca di Ramala.
Despues di e difusion di e imagennan, diamars el a wordo aresta pa e Forsanan di Defensa di Israel cu a hib’e pa interogaccion, segun e corant Haaretz. E mesun medio aki a cita un comunicadi di ehercito unda cu e tabata señaka cu “varios Palestino a sali pa enfrenta e soldaatnan cu e obhetivo di causa un provocacion”. Sin embargo, e militarnan a actua “profesionalmente”di no responde.
Pa su parti e minister di Educacion Israeli, Neftali Bennet a declara cu e “imagennan ta duro” y el a confia cu e “investigacion di e incidente wordo investiga, pa siña di e les aki y cu e activistanan cu a ataca e soldaatnan wordo hiba huicio”.
Sin embargo, e version Israeli no ta coincidi cu esun di e Palestinonan. E tata di Ahed, Bassimi a publica riba su Facebook account cu e reaccion di su yiu tabata debi cu e soldaatnan a tira ariba un mucha homber di 14 añ . Despues durante e detencion, nan a drenta su cas pa horta computer y camaranan di video. Ademas, el a denuncia cu e mama di e activista tambe a wordo aresta.
Facebook: https://actualidad.rt.com/