BIRMINGHAM, Reino Uni- E activista Malala Yousafzai, reconoci mundialmente pa su lucha permanente pa tin acceso na tur e mucha muhenan, diahuebs a revela cu e lo studia na e Universidad di Oxford. E lo studia filosofia, politica y economia.
E hoben a comparti un imagen ariba su cuenta di Twitter, unda e ta confirma su luga di studia y e tabata mustra masha emociona.
Malala a manda su miho deseonan na e resto di studiantenan Britanico cu diahuebs tambe a haya e resultadonan academico cu lo a determina su futuro universitario segun e agencia EFE.
Na comienso di aña a revela cu el a ricibo un oferta pa drenta un universidad Britanico, aunke e no a bisa na cual.
Mester recorda cu mey mey di su lucha, el a wordo herida cu’n arma di candela na 2012 y casi e ta perde su bida. E tabata biahando den e bus di su scol ora cu’n homber arma a subi e bus y a puntra p’e pa despues tir’e. Despues di e atake, Malala a keda den estado critico y el a wordo traslada pa un hospital na Birmingham, Inglatera unda ela cuminsa e proceso di rehabilitacion.
Malala, kende a publica e bukinan unda e ta relata su historia, na 2014 el a obtene e Premio Nobel di Paz “pa su lucha contra e represion di mucha y hobennan y pa e derecho di tur mucha pa un educacion”.
Fuente: http://www.ntn24.com/noticia/