CAPETOWN, Surafrica- Anette Kennealy tabata contra di e plannan di gobierno Surafricano pa expropia granja di propietarionan blanco sin cu nan wordo indemnisa.
E activista agricola di 51 aña Anette Kennealy, cu a pronuncia su mes di ta contra di e atakenan ariba agricultor y criadonan di bestia blanco a wordo hinca y golpia mata cu’n martiu na comienso di siman pasa den su cas ubica den e provincia di Limpopo, Surafrica.
Mama di e victima a altera autoridadnan despues di a purba drenta den contacto cu su yiu y no tabata por a logra. Un pariente a bay na su rancho y a bin haya su curpa sin bida boca abou den un plas di sanger.
Moatshe Ngoepe, vocero di polis a revela cu e muhe tabata tin varios hinca. E director di Afrikaner AfriForum, Marius Mueller, a duna di conoce cu e victima a wordo haya cu heridanan na cabes, incluyendo su wowo robes y na su frenta, mientras cu banda di e cadaver tabata tin un martieu y un bara di hero.
Pa esaki polis a detene un homber di 40 aña como sospechoso di e autor di e crimen.
Kennealy tabata forma parti di e comunidad White Afrikaner y un agricultor destaca y ex miembro di directiva di e partido Alianza Democratico entre 2011 y 2014. Den su ultimo publicacion realisa ariba Facebook, e muhe a share un link cu tabata informa di un decena di atakenan contra di ranchonan, incluso un asesinato, e aña aki.
Ademas, e muhe leu a leu tabata comparti materialnan relaciona cu politica Surafricano y e planesnan di gobienro pa expropia rancho di granjeronan blanco sin cu nan ta ricibi indemnisacion.
Ola di atake contra di granjeronan
E asesinato di Kennealy a bin na un momento unda cu gobierno lidera pa Cyril Ramaphosa, di e partido Congreso Nacional Africano, ta sigui dilanti cu su plannan di cambia constitucion pa permiti e confiscacion di tera di agricultornan sin cu mester paga pa nan, alegando cu nan kier haci husticia pa “un desekilibrio histórico” causa pa apartheid y colonialismo.
Segun datonan di 2017, un 72% di terenonan na Surafrica ta pertenece na personanan blanco, aunke cu solamente 9% di e poblacion ta blanco.