Activista anti radiacion ta adverti pa desaroyo di rednan 5G

TECNOLOGIA

Un peticion na e principal organisacionnan internacional pa stop e desaroya di 5G ya a recoge mas di 40 mil firma.

E introduccion di red di transmision di data 5G ta un “experimento masivo riba e salud” cu lo por tin como consecuencia “un catastrofe global”, Arthur Robert Firstenberg, un di e activistanan principal contra di radiacion electromagnetico,

Firtsenberg ta di ooinion cu e tipo di rednan aki di wide band lo por causa cancer den sernan humano, animal y haci e sintomanan di hipersensibilidad electromagnetico mas grave.

E activista ta promocionando un peticion na e Organisacion Mundial di Salud, ONU y Union Europeo pa “nan pone un stop urgente na e desaroyo di 5G”. E documento ya a recoge mas di 40 mil firma.

“E desaroyo di 5G ta constitui un experimento riba humanidad y medio ambiente, cu bou di e punto di bista di derecho internacional por wordo defini como un crimen contra di humanidad”, e peticion ta bisa.

Na Merca, e red nobo di super speed ya caba ta wordo instala na ciudadnan manera Houston, Indianapolis, Los Angeles y Sacramento.

“Esaki por bira un catastrofe global. Ora cu e prome satelitenan di comunicacion mobil a wordo lansa na final di e decada di 1990, e prome dia personanan sensible na e cosnan aki a bira hopi malo. E tasa di mortalidad a crece di 5% pa 10% na Merca y tabata tin informenan di cu e parhanan no tabata bula”, Firstenberg a afirma na The Daily Star.

Firstenberg ta sigui bisa cu, den areanan di mundo unda cu ya caba tin e desaroyo di antenanan 5G, e poblacion local, como tambe insectonan y otro animalnan salvahe ya caba ta malo. E ta referi na e hipersensibilidad electromagnetico cu ta inclui sintomanan manera mareo, nausea, amnesia, insomnio, temblamento, aritmia cardiaco, dolornan fuerte y cronico, entre otro, a pesar di cu esaki no a wordo reconoci cientificamente.

Comments

comments