CIUDAD DE MEXICO, Mexico – Un explosion di shinnishi cu a supera un kilometer di haltura, autoridadnan a pidi e poblacion pa tuma precaucion pa evita complicacion di salud.
E volcan Popocatépetl, ubica den e estado Mexicano di Puebla, a aumenta su actividad durante e ultimo dianan y a pone autoridadnan na altura. Nan a pidi e poblacion cercano pa tene cuidao, segun medionan local a publica.
Dos explosion nobo a keda registra diahuebs mainta y tabata compaña pa explosion di shinishi. E ultimo, cu’n contenido halto di shinishi, a supera e kilometer di haltura y a move den direccion oost-zuidoost, e coordinador nacional di Secretario di Gobernacion, Luis Felipe Puente.
Di biaha, e funcionario a urgi e poblacion na sigui e recomendacionnan sanitario dne e zona di alcance di e volcan, manera tapa boca y nanishi cu’n lenso muha, limpia wowo cu awa puro, evita actividadnan den aire liber y a cera e porta y bentananan di cas.
Ademas, den algun municipio cercano di volcan ya a cuminsa prepara shelter pa mantene e poblacion sigur y leu di e efectonan di un posibel erupcion.
E actividad di Popocatépetl a aumenta desde e temblor cu a asota e centro di Mexico di 19 di september di aña pasa. For di e momentonan ey, tabata tin explosionnan constante y expulsion di columna diki di shinishi.
Na februari di e aña aki a registra varios explosion fuerte di Popocatepetl.