Actividadnan sospechoso den zona hotelero

Durante un patruya di rutina polisnan ta constata cu tabata tin un hoben sinta na altura di Red Sail Sports. Un dama cu tabata pasando a conta polisnan cu e ta contento cu e polisnan a bin, ya cu e hoben en cuestion tin algun dia caba ta sinta na e mesun luga. E hoben en cuestion, M., a declara na polisnan cu el a caba di core bais. El a cuminsa conta un storia straño y a mustra un actitud fresco pa cu polisnan. El a bisa e polisnan cu e no ta gusta ora cu polisnan papia cun’e of acerca su persona. A hala su atencion y a core cun’e for di e zona hotelero. Ora cu polisnan a bay pa atende cu e otro homber, esaki a disparce. Polisnan a papia cu’n personal di siguridad di un hotel, e cabayero T. Esaki ta declara cu pa varios dia caba e ta wak e mesun homber aki ta sinta na e mesun skina pa cual nan ta yama e skina aki “Skina Cayente”, ya cu tin varios actividadnan sospechoso ta tuma luga akinan.

E hotel tin un camara den direccion di e sitio unda cu e homber ta para. Segun T. polisnan mester tuma contacto cu A, pa haya acceso na e imagennan di video. T. a keda di yama polis si e homber aki bolbe bin na e mesun sitio. Mas o menos un ora despues Central di Polis ta tuma contacto cu e polisnan y ta bisa cu T a bolbe yama bisando cu e homber tabata un biaha mas sinta na e mesun luga. E homber tabata bisti cu’n flanel di basketball color oraño, cu’n carson cortico y cu e ta un persona di color bruin cla. E vlechtdonan di cabey a bisa T. cu e homber a cana bay den direccion noord ora cu el a wak polisnan yega. Na caminda pa e skina polisnan ta topa cu T cu ta bisa polisnan cu e homber ta para eynan. Ora cu polisnan ta yega na e sitio, nan no ta haya niun hende. Central di Polis a wordo poni na altura.

Comments

comments