Experience San Nicolas ta un evento pa famia, pa keiro y bin pasa un rato ameno den nos dushi San Nicolas. Museum of Industry tambe tin actividadnan planea pa Dia di Tata den e di seis edicion di Experience San Nicolas cu lo tuma lugar diadomingo 4 di Juni 2017.
Museum of Industry ta habri ariba e dia aki di 10:00 am pa 2:00 pm. Pa e dia aki Museo a planea un tremendo RAFFLE cu premionan interesante. Nos kier duna e tatanan di Aruba algo diferente. Asina bo bishita un di e Museonan na San Nicolas bo tin chens pa gana un di e siguiente premionan pa papa; un sesion di relahacion cerca Clinica Chiropractico Van Putten, cuatro gift certificate pa un corte cerka Matatan di Fresh Cutz Barbershop y un dinner voucher na balor di AFL 100,- na Kamini’s Restaurant.
Den e edicion aki Museo di Industria tin entrada na mita prijs. Ademas nos ta ofrece un tour special 12or di merdia pa tur cu kier un guia. Den cura di Museum of Industry tambe lo tin un workshop di Mosaico. Debi na e demanda grandi pa e workshop aki a dicidi di haci esaki un bes mas e luna aki. Espacio Azul y Atemosa lo ta esnan encarga cu e workshop. Sra Enrita Werleman ta e persona cu lo guia e workshop. Pa mas informacion tocante e workshop por tuma contacto cu Espacio Azul na [email protected] of 5935509.
Nos ta warda pueblo di Aruba pa bin y pasa un rato ameno na Sunrise City. Pa cualkier pregunta por tuma contacto cu nos na 5847090 of [email protected].
Sigui nos ariba Facebook y keda na altura di tur nos actividadnan.