CARACAS, Venezuela- Gobierno Venezolano a anuncia diamars e suspension di actividadnan laboral y scolnan di e blackout di dialuna anochi y cu den oranan di mainta, ainda ta persisti den henter e pais.
“Gobierno nacional a dicidi di suspende pa 24 hora e actividadnan laboral y educativo den henter e pais”, e minister di comunicacion, Jorge Rodriguez a indica.
El a agrega cu gobienro a poni “for di e momento di e atake”, tur e esfuerso “pa restitui”, lo mas pronto posibel, e servicio electrico den henter e teritorio nacional”.
Venezuela ta sin coriente despues di e dos blackoutnan di dialuna, cual e gobierno di Maduro a atribui na dos diferente atake ariba e sistema electrico.
Coriente a bay pa 21.50, hora local y ainda no tin niun informacion oficial ariba e alcance di esaki.
Rodriguez a indica riba e anochi di dialuna cu e corte den suministro di coriente a bin door di “un atake di magnitud den e patio di e autotransformadornan di e central hidroelectrico Guri” cu ta “causa un caida den e transmision di e liñanan hopi importante”, cu ta wordo distribui for di e principal planta productor di electricidad den e pais.
Presidente di parlamento, Juan Guaido, reconoci como presidente encarga di Venezuela pa mas di 50 pais, a reacciona responsabilisando e “regimen” di Nicolas Maduro.
“Nan ta gaña pa no asumi nan responsabilidad den e crisis asesino aki. Y ademas, nan ta poniendo den riesgo lo poco cu ta resta ainda di e infrastructura electrico nacional”, Guaido a bisa ariba e red social Twitter.
Dos siman pasa, cu e blackout di dia 7 tabata debi na un sabotahe di e sala di control di e central hidroelectrico di Guri, afirmando ademas, cu tabata tin “atakenan electromagnetico” contra di e sistema electrico.
Oposicion Venezolano ta afirma cu gobierno di Maduro ta responsabel di e fayonan den e sistema y a señala cu door di e falta di capacidad y e mal maneho di e recursonan miyonario destina na e sector electrico cu ta e causanan real di e blackoutnan aki.