Ya caba AREA tin un calender di actividad cla pa e fin di aña aki, unda cu cada fin di siman tin un evento tumando luga den Caya G.F. (Betico) Croes. Sra. Lindey Croes, Liason Officer di AREA ta amplia.
E weekend aki ta bay tin un spookhuis den Caya y tambe trick or treat pa e muchanan. Despues lo sigui e inauguracion di e lusnan den caya, cu Grupo di Betico y Gaita Las Unicas. Por subi e Facebook page di Aruba Mainstreet y tur luna lo post un calender of events di kico lo tin e luna actual den Caya Betico Croes.
Ainda tin e discusion di ki ora pa habri, ya cu ta keda na cada comerciante pa dicidi ki ora nan ta habri. Dia 2 di november lo tin un shopping night pa motibo di e inauguracion di e lusnan di pasco. Algun comerciante ta bisa cu lo tin e trick or treat cu ta te 11 or di anochi, cu tin e spookhuis, y si tin ambiente, e pakico no keda habri un poco mas laat. E ta bay ta un experiencia diferente di loke ta haya normalmente den caya grandi.
Te ainda no tin un decision concreto di un horario pa tur comerciante pa habri, mescos cu e mallnan. Asina cu AREA haya su partner pa Oranjestad, e lo bira un tiki mas fiho na ki ora, y cu lo mester sinta cu tur e comerciantenan pa yega na un areglo cu esaki. Segun Sra. Croes, esaki ta un bon idea. Pa loke ta e barconan crucero, esaki ta wordo tuma den consideracion, ya cu e turistanan ta bin den caya toch.
E ultimo lunanan di aña y temporada di carnaval ta e temporada di mas druk pa caya grandi. Si nan lo sigui cu e calender di evento te ora cu e Proyect Manager tuma over. Ta den planes pa sigui cu actividad tur weekend, pa despues di aña lo sinta cu e comerciante pa informa si nan lo kier keda habri te mas laat. No ta tur ta riba e mesun liña, pero e ta algo cu por yega na un areglo cun’e.
Por ultimo, Sra. Lindey Croes a splica cu pa loke ta e edificionann bashi, algun doño di edificio a cuminsa renoba e edificionan, y tin plannan pa mehora e centro di ciudad.