Riba 27 di maart ultimo Colegio San Augustin a celebra Pasco di Resureccion cu un programa hopi leuk pa su alumnonan. E dia a habri na unda e alumnonan a bay Prinses Christinazaal pa atende e parti di reflexion di Semana Santa cu Pastoor Juancho y tambe a premia e alumnonan cu a sobresali den e di dos periodo. E alumnonan cu a sobresali den ciclo basico ta Young Yong Mei He (CB 1) Helen He (CB 2) y esunnan di ciclo avansa ta: Adison Maduro (CA 1) y Shakalee James (CA 2). Despues den forma di un trein humano e alumnonan a cana bin scol, na unda nan a desayuna hunto como un solo famia bou di overdekte.
Despues a sigui e parti recreativo, cual tabata buskeda di webo. Tabatin mas cu 200 webo regular scondi y 18 webo di oro.
Despues di esaki a sigui e parti di ‘spel zonder grenzen’ na unda tabatin diferente wega, cual wega mas gusta a resulta esun di awa. E famia di Colegio San Augustin a disfruta plenamente di e dia aki, na unda nos a comparti cu otro riba e esencia di Celebracion di Pasco Grandi.