Dia 23 di April proximo, Koningin Wilhelmina Fonds lo organisa e proximo Ride, Walk and Run for the Roses. Esaki ta e di 7 aña cu ta organisando esaki. E actividad aki, ta haciele naturalmente, pa e ta un evento saludabel y dushi pa pasa un dia y alabes recauda fondo pa e fundacion. Sr. Dave Martinus ta splica mas ariba e actividad aki.
Cu esaki ta haci posibel pa sigui yuda comunidad di Aruba. Un danki hopi grandi na Alhambra Casino, y na Wielerbond, Radio Shack, Tri Bike Aruba pa tur e añanan cu nan ta yudando Koningin Wilhelmina Fonds carga e actividad aki.
E meta ta pa recauda fondo pa sigui brinda su servicionan na comunidad. E fundacion ta distribui varios material di diferente tipo di cancer. Nan ta organisa y participa na diferente charlanan y tambe na diferente pashentnan di cancer.
E papel di Koningin Wilhelmina Fonds ta specialmente pa e.o. Asisti cu thuiszorg di cada pashent cu ta terminal. Y ofrece prothesenan necesario cu despues di haci operacion di pecho. Tambe e fundacion ta cubri e gastonan di biahe di e di dos begeleider ora cu un pashent mester bay afo. Atrabes di e evento aki, tur hende tambe por haci un colecta bou di famia, amigo of coleganan y haci un dedicacion total na un persona cu a fayece di cancer of cu a cura di e malesa aki.
E fondonan recauda lo bay pa otro pesonana cu mester di ayudo y sosten di Koninging Wilhelmina Fonds. E actividad lo ta dia 23 di April y lo bay tin rutanan caminda cu e ta sali y e la cuminsa for di 6 or di mainta. Y e lo sali for di e parkinglot di Alhambra Casino.
Ta bay tin un 5k walk and run cu lo sali for di Alhambra cu lo bay Phoenix bin bek. Despues lo tin tambe e biking, lo tin diferente ruta y un di nan ta un 6k biking, Alhambra pa Phoenix y bin bek. Un 20k running, for di Alhambra pa Lighthouse bek pa ALhambra. Y un 30k biking, cual ta sali for di Alhambra pa Lighthouse, pa Alto Vista y bek pa Alhambra. Na final cada participante lo ricibi un rosa.
Lo bay tin diferente actividad pa mucha, dj y tambe lo bay tin posibilidad pa tur hende por refresca nan mes, lo tin diferente rifa y premionan. E fundacion kier a recorda tambe cu nan lo bay tin e team dinamico di Candido Tromp, cu lo duna massage na tur e coredonan cu a participa.
Pa inscripcion y participacion, esaki por haci na diferente localidad. E inscripcion ta 15 florin y e ta inclui un t-shirt cu lo tin den stock y cu lo por haya tambe na oficina di Koningin Wilhelmina Fonds, na Botica Aloe na Savaneta, na Radio Shack, TriBike Aruba, y tambe na Botica Santa Ana.
Pa finalisa, Koninging Wilhelmina Fonds, ta invita e pueblo di Aruba pa participa na e evento y asina contribui cu e fundacion. Sigui duna e fundacion un man y tambe e apoyo pa e Ride, Walk and Run for the Roses 2017 por ta un exito.