Dia 6 April tabata Dia mundial di Actividad fisico, unda ta promove esaki como un parti di salud. Sr. Rudy Leysner di Fundacion Movimento ta Bida ta amplia.
E aña aki nan a organisa diferente actividad, tabata tin diferente lezing, papiando di actividad fisico. Nunca ta laat pa cuminsa. Nan a cuminsa cu un programa dia 6 di APril cu un programa masha bunita mes, unda a invita diferente grupo di adulto mayor, pa participa na unda mas di 150 persona a acudi. Na diferente sponsor cu a yuda pa cubri e gastonan. Tambe nan a haya e cooperacion di IBISA.
E problema grandi ta cu e grandinan, hopi biaha e hendenan ta sinta mas, nan kier descansa mas, nan no kier haci niun actividad fisisco. Pero e research ta mustra, cu mas actividad fisico nan haci, ta alarga bo calidad di bida pa mañan. Den nan grupo nan tin un persona di 92 aña y ta activo ainda.
Sr. Leysner ta bisa pa poco poco pa cuminsa move, purba cana pa 30 minuut pa dia. Hopi biaha un hende grandi, no por haci 30 minuut di biaha, pero e meta ta pa keda activo. E problema ta cu e hende ta keda sinta mucho largo y e wesonan ta bira tieso.
Mas actividad fisico, mas calidad di bida bo tin.
Movimento ta Bida, su oficina ta situa na IBISA y ta alcansabel na telefon 5868651, pero no ta tur ora ta alcansabel. Pero via celular por haya nan na 5942546. Eynan por yama y pa busca diferente informacion. Tambe por manda un email na [email protected]