Ariba 9 di november 2022 na Colegio Laura Wernet – Paskel a organisa enconeccion cu Siman di buki, un actividad na nivel educativo cu e tema “Biba Natura-Lesa”. Esaki a wordo organisa dor di un comision di docentenan pa duna bida y agrega conocemento educativo na e studiantenan.
IBiSA a participa cu e tema di Come Saludabel, Fundacion Arikok a participa cu e informacion di Flora y Fauna y e mundo Marino, mientras cu un otro grupo di personanan a bin duna charla di bij y con nan ta colecciona bij.
Esaki tabata un mainta cu a cuminsa di 10or y a termina or di merdia, caminda cu muchanan a haya splicacion amplio ariba cada un di e temanan ariba menciona.
E muchanan tabata participa activo y sigur esaki a agrega un balor grandi na nan desaroyo cognitivo, social y conocemento general.
MasNoticia a combersa cu cabesante di scol sra Bernadetta Figaroa – Geerman y cabesante suplente sra Kimberly Croes caminda cu nan a keda hopi contento cu e mainta aki.
Colegio Laura Wernet Paskel ta en espera di mas actividad ariba 18 di november 2022 caminata nan lo bay tin un songfestival cu lo bay tuma lugar na Colegio Laura Wernet Paskel for di 6:00 pm te cu 9:00 pm. Cabesante suplente ta acento ariba e festival indicando cu si e dia aki tin awacero, e actividad aki lo bay dor den e gymzaal. Pa mas detaye sigui Mas Noticia ariba Facebook page cu lo bay ta live for di nan Rueda di Prensa diasabra awor 3:00 PM.