Studiante Mirline Esperance como studiante di Social Work student ta splica mas di e meta di yuda e fundacion
Originalmente e ta un conexion cu un vak di scol, cu ta rekeri pa tuma e experiencia ariba veld. Nan a acerca Stichting Rancho y di eynan Ginally a brinda e studiantenan e oportunidad pa crea un evento cu nan a tuma man habri. E ta un actividad unda cu nan lo siña masha hopi mes di dje. E studiante ta invita e pueblo di Aruba, pa asisti na e actividad aki.
El a sigui splica cu originalmente, locual nan tin cu haci ta haya mas experiencia pa kico kiermen, ser un trahado social. Pero e tin mas aspecto: e aspecto cultural, yuda e comunidad en general y e studiantenan ta den fase di siña di kico kiermen Stichting Rancho y con nan ta hopi activo den e comunidad di Rancho mes.
Anteriormente tabata tin algun studiante cu tabata tin hopi bon experiencia y a base di esey nan ta duna nan recomendacion y nan a gusta e idea di kico stichting Rancho ta haci. Door di esey nan a acerca Stichting Rancho.
Mas aleu, Mirline Esperance a bisa cu nan ta haciendo tur loke na nan alcance pa haci di e evento aki uno exitoso, cual lo ta 10 December. Esaki ta Dia Internacional di Derechonan Humano y nan a dicidi di enfoca ariba Derechonan di Mucha, ariba kico ta nan derecho y e anochi aki lo enfoca na un manera interactivo pa e muchanan, pero na mes momento informativo pa e adultonan cu asisti. E motibo pa cual a dicidi ariba Derecho di Mucha, ta pa motibo cu e tantisimo casonan cu tin na Aruba y ta keda nan nan, pa duna e muchanan un stem.