Diasabra lo tene un actividad social na Promenade San Nicolas, for di 5 or te cu 9 or di anochi. E actividad aki a wordo prepara pa San Nicolas Business Association y Minister Glembert F. Croes (Minister di Labor y Asuntonan Social). Sr. Maclon Arrindell, miembro di San Nicolas Business Association, ta amplia.
Diasabra lo tin e actividad na San Nicolas, actividad musical, lo tin varios agrupacion, gaita, musica cultura, etc. Fuera di musica lo tin tambe varios tent, lo tin varios regalo cu lo wordo parti e dia ey. Ta pidi e pueblo pa den union bin presencia e actividad aki. E actividad aki lo ta algo unico.
Sr. Arrindell a sigui splica cu tabata tin varios trabao di preparacion pa e actividad aki. E tabata un caminda largo pa yega na e set up aki, cual lo por mira dia 24 proximo. Como ehempel, di kico nan a pasa aden, p.e. Ora di actividad asina mester cera caminda y cu organisatoriamente mester traha ariba dje. Pa loke ta e kerstboom, a pasa den basta trabao, pero e ta un satisfaccion di wak con bunita esaki a keda. Intencion ta pa diasabra, pa mas o menos 8 or di anochi, lo bay cende e lusnan. Esey lo ta algo espectacular pa presencia. Ta pidi e comunidad pa asisti. Henter anochi lo tin sorpresa, pues un y tur ta keda invita pa presencia esaki.
E anochi aki diferente pacusnan ta bezig ta dorna nan showcasenan. Cayanan tambe ta wordo dorna, pa asina duna un toke di Pasco y Aña Nobo na San Nicolas tambe.
Tambe a hiba palabra Sr. Andres Hernandez, presidente di SNBA, cu a elabora ariba e actividadnan comercial na San Nicolas. Si tin e thread cu tin algun comerciante cu ya no ta wanta mas y nan ta pensando ariba wanta te final di aña si e cambio di aña ta trece algo diferente. E actividadnan na San Nicolas, lo por trece bida pa San Nicolas. E kerstboom ta bay ta un atraccion. Y esaki lo trek e hendenan tambe pa bishita e tiendanan. Masha poco di e tiendanan lo keda habri. Si hopi hende lo bin na e parti di Promenada, hopi turismo, e ta increibel, pero hopi turista ta bin San Nicolas cu lo bin pa saca potret cu e artenan. Lo ta bon pa bin cu’n plan comercial pa otro aña y pa wak con pa hinca esaki den otro.
Den e di dos set di artista (ArtFair) un biaha mas a laga atras un par di scultura, algun pintura nobo, pa trek mas turista. E no tabata asina agresivo manera biaha pasa. Ta bon pa para keto y wak e bunitesa. Biblioteca por ehempel a haya un cara nobo. Sr. Hernandez a sigui bisa cu pa otro aña lo mester wak con , hunto cu gobierno, ya cu no tin otro opcion, pa wak con por trata di mehora esaki, aunke ta poco poco. Tin algun magia cu por a wordo traha si acaso parti di e tereno, pa e boardwalk, e ferry. Tambe tin un interes pa Royal Caribbean, pa un port na San nIcolas. Ta uzando tur loke nan tin pa bin cu’n cambio na San Nicolas. Pa loke ta tereno, tin hopi silencio ariba esey, pero SNBA ta van plan di kibra esaki pa otro aña. Na momento cu e comerciante di rond Aruba, ripara cu esey ta un realidad, por bisa cu lo tin un cambio positivo ariba San Nicolas.
Pa loke ta e beach, Sr. Henrandez a splica cu e beach lo no por wordo uza, pero e no ta duna mas detaye ariba esaki. E murayanan ta loke ta separa San Nicolas di e kring. E apertura di e muraya lo trece cafeetjes cu lo trece mas hende pa San Nicolas. Tambe lo ta na notario, loke ta bay ta e San Nicolas Ports Authority, cual lo ricibi e tereno y tin planes ariba un multiple port. Si gobierno traha un multiple pier, unda cu barconan di guerra lo por mara na San Nicolas cual lo por trece cambionan pa San Nicolas.
Tambe San Nicolas Business Association a reuni cu Minister Xiomara Ruiz- Maduro tocante reforma fiscal, y ta purba di pone acerca un prome parti un forma senciyo, di un forma di dentro di e ley, cu e cay bon den e area Caribense, pa e parti fiscal, por poco poco crece den dje.
Pa loke ta un Centro di Educacion, Sr. Hernandez a splica cu esaki no ta canando. En realidad esaki lo ta un cambio pa San Nicolas, pero mester sigui cana e caminda, cu cada biaha ta bira mas largo. E idea ta pa IPA haya un autonomia manera Universidad. Sin embargo, esaki ta un caminda masha largo pa cana y mester ta di acuerdo cu e minister concerni. Y tambe Universidad di Aruba mester, na opinion di Sr. Hernandez, laga bay. Y compronde cu e autonomia IPA por extende y tin su mesun rectorado. Tin hopi interes internacional interesa den esaki, pero na Playa no tin luga pa por haci algo manera San Nicolas si por. Na San Nicolas tin asina hopi tereno cerca di IPA cu por wordo uza unda cu por tin rectoradanan cu por ta algo ideal. Pero lo sigui cana e caminda aki y wak si ta logra. Pero, e ta mustra te aworaki un caminda dificil, segun Sr. Andres Hernandez, presidente di San Nicolas Business Association.