“Wela, e payaso”, un artista masha keri pa su fanaticonan, a wordo retira for di trabao den The Big Apple Circus despues di acusacionnan di a presiona un trapecista di 16 aña pa pose pa potretnan pornografico.
Presidente di e circo, Neil Kahanovitz, diamars a declara na e corant The New York Times cu Barry Lubin, di 65 aña, a entrega su renuncia poco despues di cu e supuesto victima a entrega denuncia.
Den un declaracion duna door di su abogado, Lubin a pidi despensa pa su conducta, bisando cu e acusacionnan den su contra pa conducta sexual inapropia ta berdad y cu e ta asumi total responsabilidad pa su accionnan.
E victima a bisa cu e hecho a tuma luga durante e temporada di 2004 di circo na New York. Den su declaracionnan, el a agrega cu inicialmente el a wordo contrata pa traha cu e grupo chikito di entretenimento, Lubin eventualmente a convence pa e modela pa su negoshi di fotografia personal a cambio di 100 dollar.
Fuente: https://www.infobae.com