Diadomingo pasa di 1’or marduga habitantenan di Pavia a scucha un desordo hopi duro mes riba caminda y ora a sali bay wak a constata di un accidente basta pisa, unda dos auto a dal frontal den otro y ambos ta memei caminda y tin persona herida.
Di biaha a mobilisa polisnan cu urgencia, na yegada di prome patruya ta topa cu un situacion serio, unda tanto e chauffeur di e yaris y e honda ta basta herida cu sla serio na cara y a pidi ambulancenan cu urgencia. Centro di alarma a saca tur ambulance y e rapid responder presenta di biaha n’e sitio, te hasta unidad di brandweer pa duna un man, debi cu tin un persona mas grave cu otro cu tabata den e yaris. Paramediconan a trata ambos persona basta liher mes y stabilisanan n’e sitio y transporta ambos herido pa hospital. Caminda tabata cera pa polis di trafico haci nan investigacion.