Activiteitencommissie Directie Financiën (ACDF) a ser funda na October 2009 pa organisa actividadnan riba tereno educativo, social, cultural y deportivo pa asina promove “teamwork” entre e personal di Directie Financiën.
Na April ultimo ACDF a termina su Luna di Salud cu un Caminata Gubernamental di cual parti di e contribucion ta bay pa un instancia caritativo.
Luna di October 2016 ta e Luna Social riba e calender di ACDF unda e empleadonan di Directie Financiën tin oportunidad di duna algo bek na comunidad y e biaha aki a toca turno na Fundacion Movimento ta Bida. Diabierna 14 di October 2016 na sala di reunion di Directie Financiën, Directiva di Fundacion Movimento ta Bida a duna e empleadonan un charla encuanto movimiento en general y specialmente ehercicio pa haci durante ora di trabou. Den presencia di empleadonan ACDF a haci entrega di e check na Fundacion Movimento ta Bida. Esaki sigur ta un contribucion pa Fundacion Movimento ta Bida sigui eherce un bon trabou!
Esaki ta un bunita gesto y ehempel pa otro organisacion y/of compania nan sigui yuda nos fundacion nan na Aruba.