NEW YORK CITY, New York – E accionnan di Merca lo subi marginalmente den e di dos semester di e aña, aunke cualkier futuro decepcion economica of aumento di e incertidumbre riba e agenda di e presidente Donald Trump, por causa un retroceso di e mercado, un sondeo di Reuters a mustra.
E encuesta a proyecta un nivel di ciere di e indice S&P 500 e aña aki na 2460 punto, solamente 1 porciento ariba diaranson, ora cu el a caba na 2440,69 unidad, aunke cu tabata trata di un record.
E prediccion mediano ey entre 51 estratega encuestador pa Reuters a lo largo di e ultimo siman tabata levemente superior na e estimacion di e sondeo di Reuters na Maart.
Tres luna pasa, e consenso di e pronosticdornan di e sondeo a anticipa S&P 500 na 2355 unidad pa e epoca di e aña aki, cu a resulta pesimista. Solamente seis di 32 operador encuesta e momento ey a kere cu e lo ta mayor cu su nivel actual.
Ta spera cu e crecemento di e ganashinan corporativo lo continua, permitiendo u e indicenan ta profundisa nan avanse sin genera alarma riba baloracionnan potencialmente excesivo.
S&P 500 ta operando rond di 18 biaha e utilidadnan premira pa otro aña, cerca di su balor mas halto den mas di un decada.
Pero e analistanan ta premira un crecemento di ganashi di e empresanan cu ta compone e indice di 11,3 porciento e aña aki y algun ta bisa cu e baloracionnan ya a toca su plafond.
“E contexto amplio den empresanan na Merca awo ciertamente ta saludabel desde e perspectiva di e ganashinan y lo ta criticamente importante” pa continua apuntando riba e avanse di mercado, Bill Northey a bisa, kende ta presidente di inversionnan di US Bank Wealth Management na Helena, Montana.
Di tur modo, varios participante di e sondeo a mira como probabel un coreccion di por lo menos 10 porciento e aña aki, citando tambe e riesgonan di un posibel accion demasiado agresivo di e Reserva Federal, un bahada mayor di prijs di petroleo y bahada menor di utilidadnan manera premira.
Fuente: http://lta.reuters.com