E compania Apple Inc., lo baha na mita e cantidad di produccion di smartphone iPhoneX den e prome trimester di e aña aki. Di e 40 miyon unidad programa na September ultimo, ora cu e producto aki a wordo lansa ariba mercado, a dicidi di bahe te na 20 miyon. Un comunicado di e corant Nikkei pa cu esaki, según Reuters, ta splica su decision door di e demanda abao.
DOW Jones y S&P 500 ta registra e caida mas grandi den 5 luna door di e anuncio
Ora cu Nikkei, un di e corantnan financiero mas grandi di mundo, e capital accionario di Apple a perde 18 miyon dollar di su balor riba e mercado bursatil (2,1 %), su cotizacion mas abao di e aña aki.
E efecto di esaki a bay mas leu di e asuntonan interno di e compania. E indicenan Dow Jones y S&P 500 a perde un 2, 1 despues di e noticia. Mercadonan ta sperando pa Apple publica su reporte financiero diahuebs proximo. Na mes momento, e ‘indice di miedo’ VIX (CBOE Volatility) a subi cu 2,76 punto, casi cu 25%.
Fuente: http://www.eleconomista.es