Pa prome biaha un tercera parti di e votadonan a vota contra e dos partidonan grandi y tradicional. Y e sistema di repartición di voto no ta cumpli cu realidad, sino e repartición di asientonan lo tabata otro, cu e dos partidonan grandi hayando 7 asiento cada un, y e otronan pa e partidonan chikito, incluyendo PPA. Palabranan di líder di Accion21 Miguel Mansur.
El a splica cu e retonan di país Aruba no a cambia. P’esey nan kier mira un gobierno cu un sosten mas amplio posibel. Lo no sostene un gobierno di menos di 12 asiento y a campaña pa un Gabinete di Unidad Nacional. E tan a favor di vakminister.
Dos cos histórico a pasa, un Gobierno di 14 asiento cu ta prome biaha of un Gobierno di 11 asiento y 10 oposicion, di cual por tres miembro independiente of di coalición cu por bini cu proposición di cambionan di ley tambe. Accion21 kier haci bon uzo di esaki pa trece cambio.
Un di e prome cambionan lo por bini na momento cu huramenta e parlamento nobo otro siman. E ta un bon momento, Mansur a bisa, si e presidente bira un parlamentario di e tres partidonan chikito aki cu a haya un tercera parti di e votadonan. E ta un bon reto y si e logra esaki, e lo marca historia.
El a bisa su preferencia ta pa bay Parlamento pa e haya experiencia, unda e lo traha duro pa hiba e país dilanti.