Un biaha mas e accion di United Dog Aruba a tuma lugar na San Nicolaas pa cual aki Sr. Donny Rasmijn, Parlamentario ta splica di e accion aki.
E accion aki tin paar di dia caba cu e ta andando y ya caba tin mas o menos 70 cacho cu a wordo sterilisa caba. E accion aki ta uno exitoso, ya cu e grupo cu ta trahando hopi bon cu otro y e area ta uno hopi bon ya cu e ta grandi y central. Esaki kiermen cu nan ta piki e cachonan for di ariba caya, y bin cu nan. No ta conta solamente pa cacho pero pushinan tambe cu nan ta bin cun’e, ta wordo sterilisa. E accion aki ta conta solamente pa cacho y pushinan cu nan ta haya ariba caya.
Sr. Chris Dammers a splica cu e accion ta bayendo hopi bon, cu tremendo resultado. Un preocupacion si ta cu hopi cacho cu males de stempel. Paar di aña pasa e malesa aki a mata miles di cacho aki na Aruba. Ta hopi tristo pa wak con un cacho ta muri bo dilanti. E ta un malesa contagioso y nan ta garando e cachonan aki ariba caya. Cachonan cu nan ta wak cu nada no por wordo haci pa nan, nan ta pone nan drumi. Ta obliga di haci esaki, ya cu no por opera e cacho, pero tampoco no por pone bek ariba caya.
Si wak full e proceso aki, for di tempo cu e ley di cacho a pasa, por a wak hopi movecionnan cu mester bini. Proem tabata tin sterilisacion di ARA, despues a bin cu e gruponan cu a cuminsa forma pa move mas fuerte ariba e tereno aki y pa waak tambe cu e plataforma Ley di Cacho a bin. Tur esakinan ta cambionan cu mester bin y tambe e prome campaña di sterilisacion cu tabata tin dos aña pasa a habri porta pa mas di e tipo di e accionnan aki sigui. E grupo trahando actualmente, ta e mesun grupo cu a traha den e prome campaña y despues di esey, nan no a para keto, para a lanta un fundacion y nan a sigui ariba nan mes cu e proceso di sterilisacion.
Plataforma Ley di Cacho ta trahando, por wak cu polisnan ta actuando aworaki. Por mira cu hasta tin un lijndienst unda cu por yama meld un maltrato di cacho. Por wak cu stap pa stap cu e cambio ta biniendo. Por wak hopi cacho cu ta haya riab caya ta cachonan muhe, solamente den un periodo di 6 aña ta responsabel pa 64 mil cacho bin na mundo. Cu e tipo e operacionnan aki, unda e meta ta pa opera 400, unda cu si haya 300 cacho muhe por imagina cuanto a scapa pa tin un otro set di cachonan di caya. Tipo di accionnan aki ta exitoso y ta sigui pusha pa sigu cu e accionnan aki.
Sr. Dammers a duna un danki special na Bucuti/Tara cu ta sponsor e operacionnan aki, ya pa un paar di aña caba. Tambe Crioyo Trap cu ta haci un tremendo trabao. Tambe tin e seguro United Dogs Aruba cu ta haciendo esaki. Tin e otro grupo cu a haci’e prome, Cunucu Operations. Tur instancia kier duna un man na e accion aki. Segun Sr. Dammers, asina aki, tur hunto lo bin na un solucion pa e problemanan di cacho. Pero ta haci un apelacion pa door cu distempel ta ariba caya, ya cu na San Nicolas tin, pero cada persona cu tin un cacho, pa por favor ten’e paden pa e no gara e malesa aki, pasobra e ta fatal.
Ta encurasha tur hende pa hiba e bestia tuma su vacunanan. Haci esaki pa e pober bestia no mester sufri, segun Sr. Chris Dammers a splica. Por ultimo, Sr. Dammers a haci un suplica tambe pa sea responsabel pa bo bestianan y cuida di nan.